 |
ਵਕਫ਼ ਪ੍ਰਾਪਰਟੀ ਬੋਰਡ ਦੇ ਵਧੀਕ ਸਕੱਤਰ ਸੈਫੁੱਲਾ ਖੋਖਰ ਅਤੇ ਹਿੰਦੂ ਜੱਥੇ ਦੇ ਆਗੂ ਤ੍ਰਿਲੋਕ ਚੰਦ ਵਾਹਗਾ ਸਰਹੱਦ ’ਤੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ। |
Lahore, 24 Feb 2025 (The Hind Canadian Times) : ਹਿੰਦੂ ਧਰਮ ਦੇ ਸ਼੍ਰੀ ਕਟਾਸ ਰਾਜ ਵਿੱਚ "ਮਹਾ ਸ਼ਿਵਰਾਤਰੀ " ਦੀਆਂ ਧਾਰਮਿਕ ਰਸਮਾਂ ਨਿਭਾਉਣ ਲਈ 109 ਹਿੰਦੂ ਸ਼ਰਧਾਲੂ ਵਾਹਗਾ ਚੈੱਕ ਪੋਸਟ ਰਾਹੀਂ ਪਾਕਿਸਤਾਨ ਪਹੁੰਚੇ। ਜੱਥੇ ਦੇ ਆਗੂ ਤ੍ਰਿਲੋਕ ਚੰਦ, ਰਘੂ ਕਾਂਤਤੇ ਹੋਰ ਸ਼ਰਧਾਲੂਆਂ ਦਾ ਵਕਫ਼ ਪ੍ਰਾਪਰਟੀ ਬੋਰਡ ਦੇ ਵਧੀਕ ਸਕੱਤਰ ਸੈਫੁੱਲਾ ਖੋਖਰ, ਉਪ ਸਕੱਤਰ ਉਮਰ ਜਾਵੇਦ ਅਵਾਨ, ਪਾਕਿਸਤਾਨ ਹਿੰਦੂ ਮੰਦਰ ਪ੍ਰਬੰਧਕ ਕਮੇਟੀ ਦੇ ਮੈਂਬਰਾਂ ਅਤੇ ਸੀਨੀਅਰ ਅਧਿਕਾਰੀਆਂ ਅਤੇ ਸਥਾਨਕ ਹਿੰਦੂ ਆਗੂਆਂ ਨੇ ਮਹਿਮਾਨਾਂ ਦਾ ਤਾਜ਼ੇ ਫੁੱਲਾਂ ਦੇ ਗੁਲਦਸਤੇ ਭੇਟ ਕਰਕੇ ਸਵਾਗਤ ਕੀਤਾ। ਅੰਤਰ-ਧਰਮੀ ਸਦਭਾਵਨਾ ਲਈ ਚੇਅਰਮੈਨ ਬੋਰਡ ਸਈਦ ਅਤਾਉਰ ਰਹਿਮਾਨ ਦੇ ਵਿਸ਼ੇਸ਼ ਨਿਰਦੇਸ਼ਾਂ 'ਤੇ ਧਾਰਮਿਕ ਮਾਮਲਿਆਂ ਦਾ ਸੰਘੀ ਮੰਤਰਾਲਾ ਪਾਕਿਸਤਾਨ ਵਿਚ ਹਿੰਦੂ ਸ਼ਰਧਾਲੂਆਂ ਦੀ ਆਮਦ ਲਈ ਹੋਰ ਪ੍ਰਬੰਧ ਕਰੇਗਾ।
ਭਾਰਤੀ ਹਿੰਦੂ ਸ਼ਰਧਾਲੂ ਦਿੱਲੀ, ਉੱਤਰ ਪ੍ਰਦੇਸ਼, ਮਹਾਰਾਸ਼ਟਰ, ਹਰਿਆਣਾ, ਰਾਜਸਥਾਨ ਤੋਂ ਪਾਕਿਸਤਾਨ ਆਏ ਹਨ। ਜੱਥੇ ਦੇ ਆਗੂ ਰਘੂ ਕਾਂਤ ਨੇ ਵਾਹਗਾ ਸਰਹੱਦ 'ਤੇ ਮੀਡੀਆ ਦੇ ਪ੍ਰਤੀਨਿਧੀਆਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਮੈਂ ਪਹਿਲਾਂ ਵੀ ਪਾਕਿਸਤਾਨ ਜਾ ਚੁੱਕਾ ਹਾਂ ਅਤੇ ਮੈਨੂੰ ਇੱਥੇ ਆ ਕੇ ਖੁਸ਼ੀ ਮਹਿਸੂਸ ਹੋ ਰਹੀ ਹੈ। ਸਾਨੂੰ ਇੱਥੇ ਸਤਿਕਾਰ ਅਤੇ ਸਨਮਾਨ ਦਿੱਤਾ ਜਾਂਦਾ ਹੈ। ਵਾਹਗਾ ਸਰਹੱਦ 'ਤੇ ਪਹੁੰਚਣ ਤੋਂ ਬਾਅਦ, ਸ਼ਰਧਾਲੂ ਵਿਸ਼ੇਸ਼ ਬੱਸਾਂ ਰਾਹੀਂ ਡੇਰਾ ਸਾਹਿਬ ਵਿਖੇ ਰੁਕੇ। 25 ਫਰਵਰੀ ਨੂੰ ਉਹ ਇਤਿਹਾਸਕ ਕਟਾਸ ਰਾਜ ਮੰਦਰ ਲਈ ਰਵਾਨਾ ਹੋਣਗੇ, ਜਿੱਥੇ 26 ਫਰਵਰੀ ਨੂੰ ਹਿੰਦੂ ਸ਼ਰਧਾਲੂ ਮਹਾਂ ਸ਼ੌਰਾਤਰੀ ਦੇ ਮੌਕੇ 'ਤੇ ਆਪਣੀਆਂ ਧਾਰਮਿਕ ਰਸਮਾਂ ਨਿਭਾਉਣਗੇ।
Report
by : Ali Imran Chattha, Special Reporter, Lahore (International Desk)